PROGRAMA Naturalmente Galiza 2007

Ao longo dos meses de abril e maio Amigos da Terra levou a cabo o proxecto "Camiñando ao son das montañas galegas". Un programa de fins de semana englobado na campaña da Dirección Xeral de Xuventude e Solidariedade "Naturalmente Galiza".
No transcurso da fin de semana os/as participantes atravesaron a Serra de San Mamede, podendo sentir o encanto do Bidueiral de Montederramo; participaron de xeito activo e creativo no obradorio de música e medio ambiente; e coñeceron en primeira persoa as alternativas para unha vida máis saudable e sostible (biocontrución, enerxías renovables, tratamentos alternativos de residuos, agricultura ecolóxica...)