060902 adt Pontevedra: Sementeira A Peneda

O GRUPO DE AdT PONTEVEDRA PARTICIPA NA SEMBRA DE GRAMÍNEAS E RECOLLIDA DE LIXO NO MONTE DE A PENEDA

O pasado sábado día 2 o grupo de AdT Pontevedra, xunto con algunha invitada ourensán participou na acción de sembra de gramíneas e recollida de lixo no monte de A Peneda no concello de Soutomaior, organizada pola Asociación Ecoloxista O Verduxo e coa colaboración das comunidades de montes, colectivos culturais, veciñais e os concellos de Redondela e Soutomaior.

A actividade comezou as 15:30 na cima do monte, xunto a Ermida da Peneda.
Na acción participaron unhas 100 persoas e se sembraron 300 kilos de sementes de gramíneas.
Recolleuse ademais unha gran cantidade de lixo, deixada ó descuberto polo lume que asolou todo o monte.

Como remate da xornada, construíronse pequenas barreiras coas pedras do mesmo monte, e deixáronse os restos forestais sobre o solo, en sentido perpendicular á pendente para frenar a escorrentía.

Dende AdT Pontevedra animamos a todos os Concellos e Comunidades de Montes afectadas polo lume a realizar actividades similares, sobre todo nos lugares con maior pendente e risco de perda de solo pola erosión.

Calqueira entidade que desexe organizar actividades similares pode poñerse en contacto con Amigos da Terra, tanto para o asoramento como para a colaboración na mesma.