Presentación| Cambio Climático |
         Para entender que é o cambio climático temos que pensar que a atmosfera terrestre funciona como un invernadoiro. A luz do sol penetra na atmosfera, choca contra o solo da Terra e a transforma en calor. Esta calor é absorbida polos gases efecto invernadoiro (GEI). Cantos máis GEI máis calor é absorbida e máis aumenta a temperatura. O resultado é que o clima cambia, traendo secas, chuvas torrenciais, máis furacáns, desertificación, perda de fertilidade do solo, desaparición de especies... xunto con serias crises económicas e sociais. Entre os GEI o máis importante é o dióxido de carbono (CO2). A súa concentración aumentou máis dun 40% nos ultimos 150 anos, provocando un aumento da temperatura media en 0,74ºC. Ao final da última glaciación, co hemisferio norte cuberto de xeo, a temperatura era 5ºC menos que hoxe, o que dá conta da importancia dos cambios na temperatura. As causas do cambio climático están sendo provocadas polo ser humano, coa queima de combustibles fósiles (petróleo, carbón e gas) para xenerar electricidade ou como carburantes no transporte, emitindo gases a un ritmo 10 veces superior á súa absorción polas plantas e océanos. (Máis info) Os impactos do cambio climático xa os coñecemos:
 Amigos da Terra propón accións urxentes para loitar contra o cambio climático. É imprescindible manter o aumento medio da temperatura por debaixo dos 2ºC, e recortar as emisións de gases de efecto invernadoiro nos países industrializados polo menos nun 80% antes do 2050. Temos que liberar a nosa sociedade da dependencia dos combustibles fósiles e atopar formas de vida máis harmónicas co planeta, sustentadas no aforro e na eficiencia enerxética e no uso das enerxías renovables. O Cambio Climático é unha área na que a asociación leva traballando desde 1997. Campañas internacionais como o DinoTour e Pave the Way levaron ás rúas a problemática coa finalidade de sensibilizar e concienciar a cidadanía. No 2008 púxose en marcha S.O.S. Clima unha campaña que pide unha necesaria acción da clase política para frear as emisións de CO2 anualmente. O proxecto principal de Educación Ambiental centrado no cambio climático é A Aposta, unha campaña que pretende difundir e concienciar sobre a problemática ambiental máis seria que sofre o noso planeta, ofrencendo solucións aplicables na nosa vida cotiá. |
Sindicación RSS
