|
Conservación e Usos da Terra |
|
Neste aspecto contémplanse todas as actividades e campañas centradas na repoboación forestal. Dende accións concretas con grupos e datas sinaladas (Día da Árbore, ...) ata eventos de colaboración.
Comité de Defensa do Monte Galego
No outono do 2005, creouse en Ourense o Comité de Defensa do Monte Galego para dar resposta ó problema dos continuos lumes que ano tras ano asolan os nosos montes. Este comité está formado por grupos ecoloxistas, entre eles Amigos da Terra; centrais sindicais, sindicatos agrarios, empresas forestais e grupos políticos.A Organización Galega de Comunidades de Montes saudou con gozo a iniciativa, igual que calquera outra que tente avanzar na solución do problema e que fuxa de posicións retóricas (no caso dos incendios forestais xa estamos cansos de retórica). Pero consideramos que este comité ten unha eiva importante xa dende o seu nacemento, sen negar a necesidade de que estean incluídas as entidades que o forman. Botamos en falla a representación dos propietarios dos montes e, singularmente, das comunidades de montes. Ignorar os titulares das terras onde se produce boa parte dos incendios forestais -e que, xa que logo, son os primeiros e maiores prexudicados- amosa unha visión parcial do problema da que ten dado sobradas mostras a administración galega con escasos éxitos e rotundos fracasos no pasado.
Para ampliar información: Comité de Defensa do Monte Galego
Axuda a vivir, doa sangue e planta unha árbore.
Levamos catro anos realizando esta actividade en coordinación co Centro de Transfusión de Galicia. Durante esta campaña, que ten unha duración de catro días, por cada persoa que doe sangue será plantada unha árbore autóctona, nalgunha zona afectada por incendios forestais.O índice de incendios aumenta de forma alarmante todos os veráns sobre todo na nosa provincia. Outra problemática destes meses é que as doazóns de sangue baixan de maneira estrepitosa, xustamente cando é a época na que máis se necesita debido ó aumento no número de accidentes.Por esta razón aunamos esforzos para solventar esta dobre problemática. Os doantes poden escoller entre participar na plantación ou facelo pola súa propia conta.As árbores que se plantan son autóctonas e contamos todos os anos coa fiel participación dos colectivos escolares.
|
C. e Usos da Terra
