Este curso, programado para o 20 e 21 de abril, capacitarate para realizar e mellorar imaxes e recursos comunicativos que habitualmente forman parte imprescindible de trípticos, informes, cartelería, etc; e que no día día, compartimos a través das nosas webs, blogs e redes sociais. O obxectivo é axudarte a comunicar mellor a través da fotografía, de forma máis clara e certeira. 

AMPLIAR INFORMACIÓN

Representantes da Comisión Promotora da “ILP para a aplicación efectiva dos principios de Redución Reutilización e recilcaxe de residuos en Galicia.” vimos de reuirnos cos grupos do PSdG-PSOE, AGE e BNG para lles demandar un posicionamento a favor da toma en consideración desta iniciativa.Os tres grupos amosaron a súa postura favorable a apoiar esta ILP e incorporala ao ordenamento xurídico galego.

Os cálculos existentes falan de que pola man de cada galego pasan unhas 234 bolsas dun só uso ao ano. Isto trae como resultado que en Galicia se xeran, neste período, máis de 600 millóns de bolsas. Para fabricar eses 600 millóns de bolsas son precisos 11500l de petróleo, 132 millóns de litros de auga e a conseguinte enerxía.Cunha vida útil de 20 minutos, do comercio á casa e ao lixo, simbolizan a incultura do usar e tirar.

Compañeiro e amigo Higinio:

Hai cartas que a un nunca lle gustaría ter que escribir por que non é doada entender a morte, moito menos cando se producen nas circunstancias na que te buscou a ti, hai feitos que ogallá nunca máis acontezan, mais, os forestais sabemos ben que cando se produce un incendio o primeiro combustible é un mesmo e por desgraza os montes de Galicia seguirán sumando máis vítimas por culpa dos incendiarios homicidas.

Dende Amigos da Terra adiantámosvos o programa de accións formativas que levaremos a cabo nesta primavera:

- Fotografía ambiental, imaxes para o cambio social

- Tratamentos biolóxicos de augas residuais

- Alimentación e nutrición sana eco-lóxica e natural

- Elaboración de xabóns e cosmética natural

- Construción con sacos de terra

MÁIS INFORMACIÓN E INSCRICIÓNS

Adobe Flash Player not installed or older than 7.0.14!

Dende Amigos da Terra queremos compartir unha campaña de Intermón sobre o café de Comercio Xusto. A través deste vídeo, se pretende achegar á poboación os beneficios deste tipo de comercio, social e ambientalmente sustentable, que pon en valor o traballo das comunidades agricultoras dos países empobrecidos, e que nos brinda unha oportunidade para reflexionar acerca do noso modelo de consumo.

A Plataforma Cidadá Ríos Limpos, da que forma parte Amigos da Terra, logo de comprobar a desfeita medioambiental que está a provocar as obras do AVE, convocou o día 20 de marzo a asociacións veciñais, asociacións ambientalistas, grupos políticos e sindicais para coordinar actuacións encamiñadas a visibilizar, denunciar e por freo as irregularidades e os estragos que se están a realizar nestas obras.

Amigos da Terra, Ecologistas en Acción e Retorna poñen en dúbida os datos de reciclaxe de envases anunciado por Ecoembes (Sistema Colectivo de Responsabilidade Ampliada) que sitúa esta porcentaxe nun 70%, e solicitan unha información veraz sobre a xestión de residuos.

A "Guía de criterios ambientais para unha cooperación sustentable" consitúe o último traballo divulgativo de Amigos da Terra no eido da cooperación ao desenvolvemento. En coherencia coa nosa misión, valores e obxectivos, defendemos a sustentabilidade ambiental como elemento imprescindible de calquera actuación que teña por obxecto o fomento dun desenvolvemento humano e perdurable.