MANIFESTO asinado polos grupos ecoloxistas:

"Os grupos ecoloxistas asinantes, lamentamos informar que, pese ao rexeitamento público das edicións anteriores, os crueis campionatos de matanzas de raposo volveranse a repetir este ano en Galicia, organizados pola Federación Galega de Caza, apoiada e subvencionada polas Consellerías de Medio Ambiente e Cultura.

Tendo en consideración que está en trámite de información pública o anuncio da solicitude de ampliación da explotación cinexética comercial (ECC) Serra de San Mamede, Amigos da Terra presentou alegacións contra a devandita ampliación e así mesmo, pide que se levante o valado tal e como decidiu a Dirección Xeral de Conservación da Natureza en 2007.

O departamento xurídico de Amigos da Terra adicou a semana á impartición dos Seminarios de Lexislación Ambiental como a segunda fase da implementación práctica do Manual Xurídico que publicou fai un ano.

A necesidade de saber como actuar ante unha agresión ambiental motivou á preparación dos seminarios e foi, ademais, unha das maiores demandas dos participantes que, lonxe de estar asesorados pola administración, o cidadán debe buscar pola súa conta os mecanismos de que dispón para facer efectiva a súa denuncia.

Amigos da Terra en conxunto con outras organizacións convocamos a participar nunha Manifestación en Redondela en contra da destrucción do territorio. Esta vez non podemos escusarnos en que xa hai xente suficiente, fai frío, non me apetece ir,... É moi importante a túa asistencia. Atópámonos nun momento bastante decisivo no que soamente a mobilización social pode facer fronte a irracionalidade do sistema.

Acude con nós o venres 19 de decembro, as 20:30 horas diante da depuradora de Redondela. Avisa as túas amigas e os teus amigos, familiares, mascotas,... e acude con ganas de berrar.

Podes ler o manifesto

Contamos contigo!!!

Amigos da Terra quere felicitar o nadal a tódalas persoas ... e o seu sentido común.

Para este Nadal imos pedir algunhas cousiñas, porque temos confianza e imaxinación e cremos que neste vindeiro 2009 todos e todas imos cambiar moitas cousas.

 Desde o día 11 ata o 30 de decembro  poderas disfrutar na casa da Xuventude de Ourense da Exposición forográfica "Olladas desde Centroamérica" un espazo que che levará a coñecer as vivencias das comunidades máis empobrecidas de Nicaragua, O Salvador e Honduras e a súa loita por acadar un desenvolvemento sostible, a través do proxecto que Amigos da Terra desenvolve "Promoción da Conservación dos recursos mariños - costeiros e o incremento dos beneficios da pesca artesanal no Golfo de Fonseca", coa colaboración da Dirección Xeral de Cooperación Exterior. Ademais este proxecto non seria posible sen o traballo das ONG locais como LIDER, CODECA e CODDEFFAGOLF. 

O pasado mes de novembro celebrouse o "I Foro de Debate da Cooperación Galega", organizado pola Dirección Xeral de Cooperación Exterior. O obxectivo do Foro de Debate foi lograr un espazo de intercambio de experiencias e reflexión compartida con todas as entidades facilitadoras da cooperación galega de xeito que permitira compartir o horizonte de traballo no eido da Cooperación para o Desenvolvemento impulsada dende Galicia, aproveitando o actual proceso de avaliación da estratexia da Cooperación Galega.