Tras o curso de iniciación impartido o pasado outono, os días 28, 29 e 30 de novembro, abriuse a oportunidade de continuar coa especialización no coñecemento de técnicas e metodoloxías para planificar, deseñar, desenvolver e avaliar actividades guiadas ou de contacto co público, mostrando a súa aplicación de xeito práctico.
Os/as participantes que asistiron o curso viron cumpridas as súas expectativas, quedando á espera dunha 3ª edición.

Só houbo unha cousa que nós sorprendeu…o temporal de neve, que fixo que quedaramos illados/as en As Corcerizas ata o luns. Pero iso non foi ningún impedimento para que todo fora un éxito e o curso se levara a cabo sen problemas.
Gracias ao bo ambiente que se creou, ao bo funcionamento do equipamento e a  implicación de todos/as, chegamos sans e salvos/as aos nosos fogares, recordando sempre a fermosa paisaxe de As Corcerizas cuberta de neve.

Un ano máis, Amigos da Terra aposta pola formación de profesionais en Interpretación do Patrimonio. O 28, 29 e 30 de novembro celabrarase en As Corcerizas o curso de especialización Guía-intérprete de espazos naturais.

Despois do éxito do curso de iniciación impartido o pasado outono, ábrese a oportunidade de continuar coa especialización no coñecemento de técnicas e metodoloxías para planificar, deseñar, desenvolver e avaliar actividades guiadas ou de contacto co público. Para logralo aplicaremos de xeito práctico os contidos tratados durante a fin de semana.

Imparten: Antón Lois (Cooperativa Teixugo) e Diego Vázquez (Cooperativa Platalea), profesionais de recoñecida experiencia en Educación Ambiental e Interpretación do Patrimonio.

Información e reservas: 988 374 318 / info@ascorcerizas.com

INFORMACIÓN AMPLIADA DO CURSO

A semana pasada estivemos en As Corcerizas dándolle unha revisión ao sistema de depuración das augas residuais, que como xa moitos/as saberedes, faise mediante balsas con plantas acuáticas en flotación (as famosas macrofitas)

Carlos, técnico comercial da empresa Macrófitas, voltou a ofrecernos o apoio, a colaboración e o asesoramento da súa empresa. Ensinounos as últimas novidades técnicas e levounos plantas a fin de ampliar o rendimento da nosa depuradora. Esta visita fíxonos moita ilusión, xa que tras a nosa experiencia precursora, a Xunta de Galicia está levando outros dous proxectos galegos nas cercanías de As Corcerizas. Un lévase en Vilar das lebres mentres o outro ubícase no parque natural do Xurés en Salgueiro.

Ler máis…

Dentro da programación das Fins de Semana Alternativas 2008, está prevista para o vindeiro 10, 11 e 12 de Outubro a Xornada de Ioga, relaxación e andaina pola Serra.

Unha fin de semana onde poderás descubrir e disfrutar da paisaxe otoñal da Serra Ourensá, ao tempo que equilibras os ritmos do corpo e da mente.

• Mais información en: fins de semana alternativas
• Para inscribirte preme neste enlace: ficha de inscrición

Apúntate canto antes! As plazas son limitadas.

Música, risas, ambiente distendido e complicidade na montaña, foron as chaves para atopar o grande tesouro que Amigos da Terra tiña preparado en As Corcerizas…

… un tesouro que se agocha no medio da Serra, e que a natureza bríndase a compartir contigo sempre que queiras

… un tesouro se cabe máis sorprendente, capaz de nutrir a nosa mente e corpo, permitíndonos o autocontrol e a convivencia en sociedade.

As Corcerizas quedou tamén fortemente enriquecida coa estancia do grupo de participantes das xornadas; por elo, moitas gracias.

En breve estarán á vosa disposición máis fotos da fin de semana… estade atentos/as ás novas da web