| Actividades de verán en As Corcerizas |
| Escrito por Montse Fernández |
| Mércores, 01 Xullo 2009 07:34 |
 O albergue de As Corcerizas xestionado por Amigos da Terra, inicia a súa tempada de verán, cunha oferta de actividades do 13 ao 19 de xullo, dirixida a todas as persoas que queiran comezar as súas vacacións nun entorno natural incomparable, en pleno corazón da Serra de San Mamede. Poderedes pasar uns días de ocio e tempo libre na natureza, ao tempo que teredes a oportunidade de comprobar a viabilidade das enerxías renovables e a arquitectura bioclimática. Disfrutareis de diferentes actividades: - Roteiro interpretativo ambiental guiado pola Serra de San Mamede ata o pobo de Rebordechao, xunto con actividades etnográficas e baño no Río Arnoia. - Visita guiada polo equipamento de As Corcerizas, para coñecer “in situ”, un proxecto que demostra a súa realidade. Ademais, o enclave do albergue, é ideal para coñecer o entorno natural e cultural máis representativo do Macizo Central Ourensán, podendo realizar libremente diferentes rutas a pé ou en bicicleta. Información e reservas: Tfno: 988374318 E-mail: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo |
