As Corcerizas sitúase no Macizo Central Ourensán, Lugar de Importancia Comunitaria (L.I.C.) dentro da Rede Natura 2000. A súa localización en plena montaña constitúe un recurso ideal para a relaxación e posta en acción de actividades de natureza e lecer.

O vindeiro fin de semana 12-13 de maio terás a oportunidade de coñecer o entorno e o proxecto de As Corcerizas a través de Roteiros para a Xuventude.

"Roteiros para a Xuventude" consiste nun programa de saídas de fin de semana que permite o contacto coa natureza ao mesmo tempo que combina o lecer, o deporte e mailo coñecemento do noso contorno cultural e ambiental.

Actividades:

• Sendeirismo: roteiro interpretativo pola montaña e nocións de orientación con mapa e brúxula

• Visita etnográfica ao pobo de Rebordechao

• Xogo de orientación

• Baño no Balneario de Baños de Molgas e tratamento con parafangos

Consulta máis información e inscríbete!