| O “Manual de uso para una nave espacial” na II Mostra de Ciencia e Cinema de A Coruña |
| Escrito por Montse Valencia |
| Luns, 26 Outubro 2009 16:54 |
![]() Amigos da Terra presenta no museo DOMUS de A Coruña e dentro da II Mostra de Ciencia e Cinema, o documental sobre o cambio climático “Manual de uso para una nave espacial”. A proxección do mesmo está prevista para mañá martes 27 ás 16h. e o debate posterior prolongarase ata as 19h da tarde.
O documental aborda o cambio climático dende a perspectiva máis cercana: non é necesario ver como se derriten os polos, é suficiente observar ao noso redor para entender en que consiste. Este é o obxectivo desta película producida por Amigos da Terra e elexida a concurso na II Mostra de Ciencia e Cinema de A Coruña.
Analizarase o modelo de consumo actual fronte á posibilidade dun modelo alternativo e real: o Centro de Educación Ambiental As Corcerizas.
A entrada é gratuíta e a túa participación é importante!
Achégate e participa: Rúa Santa Teresa 1. A Coruña
Podes ver o trailer do documental pinchando aquí
|



