No aniversario da catástrofe de Fukushima, Amigos da Terra súmase as actividades da xornada estatal antinuclear,organizada pola coordinadira estatal anti-nuclear, cunha accion simbólica de encendido de velas e exposición de lemas antinucleares conmemorando o aniversario do accidente.

En Fukushima Daichii produciuse o segundo accidente máis grave da historia nuclear mundial, tras o de Chernobil. Estes sucesos poñen de manifesto o risco no emprego da enerxía nuclear e aconsellan abandonar esta fonte de enerxía.

"O que aconteceu en Xapón evidencia perfectamente que a enerxía nuclear non é segura e de ningún xeito está libre de riscos e non fai senón dar a razón a aquelas persoas que defendemos que este tipo de enerxía non pode ter cabida”

As centrais españolas non están exentas de problemas e supoñen un risco inadmisible. O máis sensato é proceder ao peche escalonado, co obxectivo de prescindir da enerxía nuclear no horizonte de 2020.

É necesario reabrir o debate enerxético no que a redución da demanda, a eficiencia e o decidido impulso polas renovables deben ser as principais apostas. A enerxía nuclear non é segura, nin barata, nin necesaria:

• A enerxía nuclear non é máis barata xa que no cálculo se esquece o custo de desmantelamento das centrais e a xestión dos residuos durante centos de anos.

• Supón enormes riscos para a humanidade e o medio durante demasiado tempo como para dicir que non haberá ningún accidente. O risco é inasumible.

• Non soluciona os problemas de dependencia enerxética, xa que España non ten combustible para as centrais e este é un recurso moi limitado e de perigosa extracción.

• Supón un risco fronte a ataques terroristas ou catástrofes naturais.

• A nuclear supón unha mínima porcentaxe do total da enerxía que utiliza a humanidade. É polo tanto doado de substituír por fontes renovables no medio prazo.

Amigos de la Tierra rexeita o uso da enerxía nuclear en todo o mundo e propón a redución do consumo enerxético como piar central da política enerxética en España e Europa. Así, a organización reclama que Europa prescinda desta enerxía na ruta cara a unha sociedade e unha economía libre de emisións de gases de efecto invernadoiro, xa que cun horizonte dunhas décadas, é posible cubrir a subministración eléctrica unicamente con renovables.

 É o momento de dicir non á enerxía nuclear!

Manifesto antinuclear