O mércores 8 pola mañá, á súa chegada ao Cumio de Cancún, a Ministra de Medio Ambiente, Medio Rural e Mariño, Rosa Aguilar, anunciou que España apoia a redución de emisións da Unión Europea nun 30% para 2020, respecto dos niveis de 1990.

Durante estas semanas de negociacións en Cancún, México, dende Amigos da Terra animámosvos a premer aos líderes políticos para que deixen de bloquear as negociacións e dean paso a un acordo baseado en xustiza climática.

Organizacións e movementos sociais de todo o mundo chegan a Cancún para participar no Cumio de Cambio Climático da ONU, que se está a celebrar dende o 29 de novembro ao 10 de decembro en México.

Novo informe de Amigos de la Tierra: "Os Mercados de Carbono para o financiamento climático: Perigos e Alternativas". A delegación da Unión Europea nas negociacións de clima da ONU en Cancún está a premer para que os mercados de carbono desempeñen un papel importante en xerar financiamento climático para os países empobrecidos.