Durante a pasada fin de semana celebráronse en Barcelona as Xornadas Internacionais previas a Río + 20. Estas xornadas afondaron na reflexión colectiva sobre a crise global e no concepto de economía verde. Ademais, visibilizaronse estratexias para fortalecer loitas comúns e fórmulas de articulación social en España de cara a Río +20.

As xornadas contaron coa a participación de activistas e organizacións tanto do Estado como internacionais. A apertura das mesmas correu a cargo de Nnimmo Bassey, Presidente de Amigos de la Tierra Internacional, integrante de Environmental Rights Action (Nigeria), que recibiu o Premio Right Livelihood (Premio Nobel Alternativo) en 2010 polo seu activismo no conflito do delta do Níxer; Edgardo Lander (Universidade Central de Venezuela, Consello Latinoamericano de Ciencias Sociales (CLACSO) e Transnational Institute) e Ivonne Ramos (Acción Ecolóxica, Ecuador).

Para máis información, pódese consultar na páxina da "Alianza por una alternativa ecológica, social y urgente al capitalismo"