Dende Amigos da Terra queremos que coñezades o noso traballo en cooperación ao desenvolvemento. Por iso, é un pracer para nós, anunciarvos que o programa "Acción Directa" de Televisión Española emitirá 7 capítulos no que se verá o noso traballo en Nicaragua e Costa Rica, xunto co de outras ONGDs españolas.

Hoxe, martes 9 de febreiro ás 20 horas terá lugar na Casa da Xuventude de Ourense a inauguración da exposición “Golfo de Fonseca: A loita por un futuro sostible”, organizada por Amigos da Terra e AGARESO (Asociación Galega de Reporteiros Solidarios).

Hoxe martes, Guillermo Rodríguez, representante de Amigos da Terra en Nicaragua, presenta na Casa da Xuventude de Ourense, ás 17 horas, os proxectos de cooperación ao desenvolvemento que se están levando a cabo no país centroamericano relacionados coa pesca artesanal sostible, protección da biodiversidade, capacitación da poboación e a xestión dos seus recursos.

Amigos da Terra participa hoxe mércores 16, dentro da iniciativa Casa Solidaria, coa conferencia, “Xornalismo comprometido no Golfo de Fonseca”, a cargo dos reporteiros de AGARESO (Asociación Galega de Reporteiros Solidarios), que visitaron os proxectos de cooperación que Amigos da Terra está a realizar no Golfo de Fonseca, en Centroamérica. O acto terá lugar ás 20.00 horas, na sala de vídeo da Casa da Xuventude de Ourense.