Os cinco reporteiros de Agareso, que o pasado mércores iniciaron unha viaxe rumbo ao Golfo de Fonseca para visitar os proxectos que Amigos da Terra ten en Nicaragua, Honduras e O Salvador, xa chegaron ao seu destino.

Nestes intres, atópanse en O Salvador e no seu primeiro día de contacto xa puideron entrevistarse con directivos da planta galega Calvo e visitar as instalacións que  ten neste país dende o ano 2003. Ademais, tiveron a oportunidade de coñecer as interesantes historias dos pescadores/as da zona e comentáronnos as súas primeiras impresións sobre a viaxe.

Se este pequeno resumo vos intriga, non vos perdades as súas crónicas no Diario da Bordo creado para a ocasión.