A Secretaría de Estado de Medio Ambiente, ven de formular unha declaración de impacto ambiental negativa do proxecto do encoro do río Navia, nos concellos de Ibias (Asturias), Fonsagrada e Navia de Suarna, xa que «causará efectos negativos significativos sobre o medio ambiente», en especial, en espazos protexidos.

Durante o proceso de alegacións á construción do encoro de Navia que tivo lugar no ano 2010, por parte de distintos colectivos ambientalistas, entre eles Amigos da Terra, asociacións veciñais e a propia administración, xa se manifestará que se informara desfavorablemente sobre dito proxecto e que agora ven realizarse a declaración negativa.

Na resolución publicada no BOE de onte manifestase que o proxecto de construción deste encoro do Navia afectaría ao 100% do LIC Alto Navia, cunha extensión de 95 hectáreas, e en menor medida ao LIC Ancares-Courel, provocando a desaparición directa dun tramo en moi bo estado de conservación. Ademais afectaría ás Reservas da Biosfera Os Ancares Lucenses e Montes de Navia, Cervantes e Becerreá e Río Eo, Oscos, e Terras de Burón.

Ase mesmo se verían afectadas distintas especies protexidas, como o caso do mexillón de río desmán, lontra, e poboacións de morcegos ou propia fauna piscícola, polo que os efectos do proxecto serían críticos.

En relación a unha ampla serie de consideracións, que responden á avaliación ambiental do proxecto, á protección xurídica dos espazos naturais protexidos afectados, aos hábitats e especies de flora e fauna catalogadas con distintos grados de protección e á protección dos bens do patrimonio cultural, estimase una afección ambiental negativa significativa e directa do proxecto.