Algúns parlamentarios realizaron unha última tentativa de reintroducir os obxectivos iniciais presentados polo Parlamento, máis ambiciosos, pero esta tentativa foi frustrada. Os Estados Membros están agora esperando a ratificación deste acordo, que tomará rango de Lei a finais de 2008.

Nathalie Cliquot, responsable de residuos da EEB, dixo, “Todo o mundo entende que o incremento dos residuos e o desenvolvemento sostible non son compatibles, e a pesar diso, a presión dos Gobernos Europeos levou a pospor os obxectivos de prevención ata 2014. Con todo, solicitouse aos Gobernos a implementación de programas para a redución de residuos, e a Comisión ten a difícil tarefa de asegurar que o levan a cabo. Sería máis sinxelo unha rápida proposta de obxectivos comúns de prevención.”

Dr Michael Warhurst de Amigos da Terra Europa (FOEE) dixo, “Este voto significa para Europa a primeira imposición xeral de obxectivos de reciclaxe; con todo estes obxectivos son escasos para a urxencia que require a escaseza de residuos e o problema do cambio climático. A Comisión debe agora traballar duro para recompilar a información necesaria para que a revisión dos obxectivos en 2014, sexa máis ambiciosa, establecendo as mellores prácticas en toda Europa.”

Os Parlamentarios aceptaron tamén a proposta de reclasificar algunhas incineradoras como “recuperadoras” en vez de métodos de eliminación, unha decisión que ignora a evidencia da contribución da incineración na emisión de gases de efecto invernadoiro . A incineración é inflexible e cara e pode chegar a limitar as taxas de reciclaxe, como reflexa a oposición de Dinamarca ao obxectivo de reciclaxe do 50% debido a que eles xa teñen demasiadas incineradoras. Dada a clara necesidade (e a demostrada posibilidade de alcanzalos) de obxectivos de reciclaxe máis elevados, os Estados Membros non poden investir os seus orzamentos na instalación de caras e inflexibles tecnoloxías de tratamento dos residuos.

A xestión de residuos que expón a UE é finalista, e non está tendo en conta a xerarquía de cinco pasos apoiada por todas as lexislacións europeas (Redución, Reutilización, Reciclaxe, Valorización Enerxética e Eliminación). A prioridade debe ser a prevención, e con todo aprazouse ata 2014, e a segunda prioridade debería ser reciclaxe, con obxectivos máis elevados que os propostos e que ademais son alcanzables, como demostraron varios Estados Membros.

Amigos da Terra e a EEB están tamén preocupados porque os Parlamentarios apoiaron unha imprecisa definición de subproducto, que pode levar que algúns materiais, actualmente clasificados como residuos, escapen dos controis de seguridade.