| Amigos da Terra advirte que a incineración provoca danos importantes na saúde |
| Escrito por Maria Durán |
| Martes, 24 Xaneiro 2012 09:32 |
        
A incineración provoca danos importantes na saúde, e así o confirman diversas organizacións médicas. A incineradora do Irixo prexudicará de forma directa a saude de preto de 40.000 habitantes das comarcas do Deza e Carballiño.
Segundo declaracións do Colexio Oficial de Médicos de Guipuzkoa: “ As Incineradoras de residuos supoñen un risco, comprobado e evidente, para a saude das persoas que viven no entorno máis próximo. Declaracións semellantes foron realizadas por colectivos de médicos de toda Europa (de Mallorca, Dinamarca, Holanda, Alemania, Francia etc).
Os estudios médicos, con maior rigor científico, sitúan o aumento de patoloxías asociadas á incineración de residuos (gases e residuos), en distancias de ata 10 Km” 1 de radio. No caso da incineradora de O Irixo as poboacións directamente afectadas serían as parroquias dos concellos de Boborás, Cea, O Carballiño, Lalín, Dozón, Piñor e O Irixo.
Amigos da Terra, solicitará o apoio do Colexio Galego de Médicos para que se sumen a os seus colegas europeos co fin de que a Xunta retire definitivamente o proxecto de xestión de residuos a través da incineración.
Os efectos para a saude da incineración recóllense no 1º Simposium Nacional sobre Incieración e Saúde 2 e algunhas das conclusións son reveladoras. Así: - As incineradoras modernas seguen produciendo tóxicos que son emitidos polos gases da cheminea e acumulados nas cinzas e escouras. Non son inocuas ou inofensivas. Ademáis, so se coñecen o 20% dos tóxicos que se xeran nelas. - As micropartículas xeradas na combustión de residuos son capaces de atravesar todos os filtros e incluso os humanos, chegando ata o núcleo celular e sendo capaces de producir mutaxeneidade así como agravar os efectos de enfermidades crónicas especialmente en nenos menores de 5 anos e maiores. - Afirmar que “non existen riscos adicionais significativos na saude da poboación cercana a una incineradora moderna” é un eslogan que carece de rigor e fundamento científico. A estas conclusións súmanse máis de 33.000 médicos de toda Europa que alertaron, durante o debate da directiva marco de residuos, dos perigos da incineración para a saúde3 . A demáis, sonteñen que en ningún lugar de Europa se monitorean as emisión de partículas ultra finas das incineradoras, a pesar de que o perigo que supoñen para a saúde está ben documentado. “Dice moi pouco sobre a presunta inocuidade da incineración que xunto cos ecoloxistas sexan precisamente os profesionais da saúde o colectivo social máis activo na súa contra” declaran desde Amigos da Terra. Amigos da Terra, xunto con outras organizacións ecoloxistas e sociais teñen posto sobre a mesa da Consellería de Medio Ambiente alternativas inocuas para a saúde, viables económicamente, sostibles a nivel ambiental e capaces de xerar 9 veces máis postos de emprego que a da planta incineradora que o seu departamento propón. “Pedimos que a Xunta de Galicia que aplique o “principio de precaución”, siga a xerarquia na xestión de residuos imposto pola Directiva Europea na materia, abandonandone o proxecto de incineradora e aposte pola redución, os SDDR4, a reciclaxe e a compostaxe” afirma Amigos da Terra.
NOTAS: 1Instituto Galego de Estadística (http://www.ige.eu/). 1 J A ORTEGA GARCÍA Y COLS.—EL PEDIATRA Y LA INCINERACIÓN DE RESIDUOS SÓLIDOS. CONCEPTOS BÁSICOS Rev Esp Pediatr 2001;57(6):473-490. Comba P, Ascoli V, Belli S, Benedetti M, Gatti L, Ricci P, Tieghi A.: Risk of soft tissue sarcomas and residence in the neighbourhood of an incinerator of industrial wastes. Occup Environ Med. 2003 Sep;60(9):680-3. Dioxins in human health . World Heart Organization (WHO).Fact sheet Nº 225 June 1999 . 2Simposio Médico sobre Incineracion e Saude de Guipuzkoa: http://www.airenet.es/contingut/documents/medics/SIMPOSIUM%20MEDICO%20Guipuzcoa%20Firma%20500%20profesionales.pdf http://www.noharm.org/details.cfm?ID=1963&type=document 4Sistemas de devolucion,deposito e retorno:http://retorna.org/es/ |
Sindicación RSS
