A Ribeira Sacra é o lugar elixido por Amigos da Terra e Alberto Rivero para realizar unha nova saída de ecovianza, co obxectivo de detectar os problemas ambientais e as desfeitas contra a natureza que se están a realizar nesta zona. Terá lugar o vindeiro 6 de marzo, polo que aínda estades a tempo de apuntarvos.

Con motivo da celebración do Día Internacional do Voluntariado, hoxe 5 de decembro, dende Amigos da Terra queremos recoñecer a todas/os as/os voluntarias/os locais e europeos a labor xenerosa, o esforzo, o tempo e implicación que adican de forma solidaria co obxectivo de mellorar a situación do noso medioambiente e da sociedade en xeral.

Por todo elo, queremos agradecervos a vosa colaboración e solidaridade.

Amigos da Terra xunto co Centro de Transfusión de Sangue de Galicia e Voz Natura vai a levar a cabo, por noveno ano consecutivo na cidade de Ourense, a campaña: “Axuda a vivir, doa sangue e planta unha árbore”, que acadou o ano pasado unha participación de 280 persoas.

A idea desta iniciativa xurdiu no ano 2000 froito de dúas grandes preocupacións que vivimos na actualidade, os incendios forestais e a necesidade de doazóns de sangue para os hospitais.