O vindeiro luns 24 de novembro, Amigos da Terra participará na Xornada que, sobre Dereito Ambiental, organizan o Centro de Extensión e Divulgación Ambiental de Galicia (CEIDA), a Universidade da Coruña e o Observatorio do Litoral.

Para consultar o Programa preme aquí.

“O Dereito Ambiental concíbese como un sistema normativo dirixido á preservación do entorno mediante o control da contaminación e a garantía dun uso sostible dos recursos naturais e responde á toma de conciencia xeneralizada, a nivel nacional e internacional, sobre a necesidade de frear o proceso de deterioro do fráxil ecosistema, gravemente ameazado polo potencial destructivo da civilización moderna” [1]

Amigos da Terra, a través da responsable xurídica da asociación, presentará as experiencias que dende a mesma se suceden cada día respecto ao uso e manexo da lexislación ambiental. As autoridades e institucións, así como empresas e particulares, son os suxeitos que, ás veces de modo reiterado, incumpren a normativa xerando unha situación ambiental insostible e, na maioría dos casos, irreversible. A impunidade ven tamén caracterizando as agresións que se acometen contra o medio ambiente.

Nesta Xornada, na que asistirán ponentes especializados en dereito e medio ambiente, tratarase de “reflexionar sobre a política e o dereito ambiental en Galicia, fundamentalmente o seu nivel de desenvolvemento e aplicación”.


[1] Administración y Legislación Ambiental.
Lozano, Blanca
Alli, Juan-Cruz