Amigos da Terra lembra á cidadanía que ten a súa disposición, na páxina web da entidade, o formulario de denuncia ambiental (coa posibilidade de achegar fotografías) para o caso de que detecten algunha agresión ao medio ambiente e llo queiran comunicar ao departamento xurídico da entidade.

Este tipo de mecanismos, de doado manexo e áxil tramitación, ven complementar, de forma necesaria, os contidos do Manual Xurídico. Este Manual vai ser obxecto de revisión e ampliación polo servizo xurídico da asociación co cal pretende ofrecer á cidadanía a información xurídica sempre actualizada.

Durante o ano 2008 repartíronse preto de mil Manuais por toda a Comunidade. Moitos foron os cidadáns que se achegaron á sede da asociación e o solicitaron, aínda que a través do teléfono e vía electrónica tamén se demandaron algúns destes exemplares. O Manual está a disposición do público na páxina web de Amigos da Terra de forma electrónica, o que repercute nun aforro de papel importante.

Asesorar das pautas que todos os cidadáns deben seguir á hora de denunciar unha agresión ao medio ambiente, supón proporcionar a estes os instrumentos axeitados de denuncia. Trátase de que cada cidadán teña a “tutela” do entorno ecolóxico onde habita e denuncie, de ser necesario, aquelo que acontece preto da súa casa. Para elo é necesario que coñeza a tramitación da denuncia dende o principio, ben a vaia a facer de forma telefónica ou ben, de forma escrita ou escollendo o modelo de denuncia virtual de Amigos da Terra.

A asociación proporciona así, á cidadanía e a todos aqueles interesados, unha información e asesoramento que a administración non é quen de dar deixando o medio ambiente nunha total desprotección xurídica (e administrativa) fronte aos agresores.