Esta participación do público en proxectos, plans ou programas que teñan unha repercusión directa ou indirecta no medio ambiente, conforma o segundo dos pilares do Convenio de Aarhus, que ten a súa versión europea na Directiva 2003/35/CE e a súa trasposición ao ordenamento xurídico español a través da Lei 27/2006, do 18 de xullo.

Foto: Río Caldo (Lobios)

O 17 de abril saiu a información pública o borrador da ordenanza reguladora da canceira municipal e do servizo de recollida, transporte e custodia de cans e outros animais domésticos no concello do Carballiño.

O prazo para a presentación de alegacións remata o 23 de maio e estas deben enviarse ao concello carballinés que deberá estudialas e incorporalas ao borrador se o estima conveniente. En todo caso, todos aqueles que presenten alegacións, deben recibir contestación por parte desta administración local.

A Comisión Europea ten a facultade de enviar unha “carta de emprazamento” ao Estado español por permitir as explotacións louseiras de O Courel contravindo normas comunitarias de medio ambiente, isto é, a Directiva 92/43/CEE, relativa á conservación de hábitats naturais e a Directiva 79/409/CEE, relativa á conservación das aves silvestres.

Mañá xoves 26 de marzo, votarase no pleno do Parlamento Europeo o Informe redactado pola eurodiputada verde danesa Margrete Auken sobre o "frenesí urbanizador" en España. O informe é tremendamente crítico co urbanismo masivo e a especulación inmobiliaria que están a esquilmar o medio ambiente .

Última hora: votos a favor do Informe, 349 (fronte a 110 en contra e 114 abstencións). Queda aprobado definitivamente, o Informe Auken.