Na Semana de Redución de Residuos reclamamos ás empresas alternativas duradeiras aos plásticos dun só uso.

• Do 6 ao 15 de novembro celébrase a Semana Global de Redución de Residuos con accións que denuncian o modelo de usar e tirar.

• Activistas de Break Free from Plastic, plataforma da que formamos parte Amigos da Terra, sinalamos ás empresas máis contaminantes e piden alternativas ao uso desmedido de plásticos.

Semana Global de Redución de Residuos

A Semana Global de Redución de Residuos, que terá lugar do 6 ao 15 de novembro, poñemos o foco na problemática ocasionada pola contaminación de plásticos nos ecosistemas mariños e terrestres. Amigos da Terra sumámonos á cita reivindicativa coa nosa campaña Operación Plastic Off, a través da cal sinalamos ás empresas como as verdadeiras culpables da contaminación con plásticos e animamos á cidadanía a mobilizarse por un modelo de produción e consumo que avance cara á o residuo cero.

A contaminación por plásticos é un dos principais problemas ambientais e económicos desta década: a demanda europea de plástico rolda os 49 millóns de toneladas ao ano, das cales o 40%, uns 20 millóns toneladas, destínanse a envases de usar e tirar. Deste plástico desbotabel, que ademais non encaixa na economía circular, só recíclase un 30%. O 70% restante acaba en vertedoiros, incineradoras e abandonado no medio ambiente.

Ante esta situación, as grandes empresas seguen sen aportar solucións reais. Estas, deben pasar pola redución drástica da xeración de residuos e do uso de recursos naturais, e isto irremediablemente implica o uso de alternativas duradeiras e reutilizables. Desde Amigos da Terra levamos anos denunciando a falsa solución que representan os plásticos biodegradables: materiais de usar e tirar que non atallan o problema de raíz; nin se reduce a extracción de materias primas, nin diminúen a produción de residuos.

As empresas máis contaminantes

Para denunciar o problema e aos verdadeiros culpables, a plataforma Break Free from Plastic presentou recentemente un informe no que sinalaba ás empresas que máis contaminan con plásticos a nosa contorna natural. Coca Cola, Nestlé e PepsiCo, seguen sendo as empresas máis contaminantes por segundo ano consecutivo, segundo o informe «BRANDED Volume II: Identifying the World’s Top Corporate Plastic Polluters”. Máis de 480 limpezas en máis de 50 países, nas cales participaron os grupos locais de Amigos da Terra, denúnciano. O resto das empresas que completan o top 10 son: Mondelēz International, Unilever, Mars, P&G, Colgate-Palmolive, Phillip Morris e Perfetti Van Melle.

Por iso, durante a semana global de acción e no marco da campaña “operación Plastic Off”, activistas de Amigos da Terra participaremos en Plastic Attacks nas portas de diferentes supermercados (nos que se devolverán os envases plásticos aos establecementos). Á súa vez, na web creada para a campaña, animamos e aconsellamos á cidadanía para implementar pequenos cambios nos seus hábitos diarios para levar unha vida sen plásticos.

Desde Amigos da Terra esiximos accións de redución en orixe, prohibindo os produtos plásticos facilmente sustituibles, establecendo porcentaxes de redución vinculantes e optando por envases reutilizables e produtos a granel. Nesta liña é necesaria a implantación de sistemas de xestión que axuden na transición ao residuo cero, como son os sistemas de depósito e retorno, recomendados pola Comisión Europea, que aumentan as porcentaxes de reciclaxe e permiten a reutilización de envases. Para rematar, é necesario que as empresas que poñen no mercado produtos de plástico de usar e tirar, asuman a súa responsabilidade, asegurando e financiando a totalidade da recolleita, preparación para a reutilización e reciclaxe.