A Asociación Amigos da Terra, en colaboración co Centro de Recuperación de Fauna de O Rodicio, organiza unha actividade de sensibilización e concienciación ambiental no Centro de Educación Ambiental As Corcerizas, na Serra de San Mamede.

A actividade terá como obxectivo explicar os nenos e nenas, que están participando no Campamento ambiental organizado polo Concello de Pontevedra e Amigos da terra, a importancia da conservación da fauna salvaxe. Será tamén unha boa ocasión para aclarar a finalidade e accións dos Centros de recuperación de fauna.

Ler máis…

Amigos da Terra estará presente na Feira de Verán de Compostela informando á poboación sobre as actividades de verán de As Corcerizas e a campaña S.O.S. Clima.

Día: sábado 20 de xuño

Lugar: Parque de Belbís (Santigo de Compostela)

Horario: dende as 12.00h da mañá ata as 20.30h da tarde.

Ven celebrar o verán connosco!

Máis información en : www.santiagodecompostela.org

Hoxe, 20 de xuño, ás 11:00 horas no Centro de Iniciativas Empresariais de Ourense, Amigos da Terra xunto coa Concelleira de Igualdade; Xuventude e Voluntariado; Termalismo, Marta Arribas, presenta en rolda de prensa os seus campamentos ambientais de verán para mozos e mozas de 15 a 18 anos.

Esta actividade enmárcase dentro do Programa da Consellería “Tope Xove 2008″, sendo salientable a aposta que se está a facer por realizar un campamento dirixido á mocidade, dada a baixa oferta pública existente, e a coherencia que se ofrece ao levalo a cabo no Centro de Educación Ambiental As Corcerizas.

As actividades desenvoltas en As Corcerizas, na Serra San Mamede, son unha experiencia lúdica e divertida que capacitará aos participantes para vivir en coherencia nunha sociedade de futuro.

Amigos da Terra ofréceche este verán en As Corcerizas unha alternativa para o teu tempo libre, unha oferta diferente de actividades onde atoparás o xeito de divertirte, relacionarte con outra xente, e disfrutar á vez que descubres unha paisaxe descoñecida para moitos/as nesta época: a montaña galega.

Pega un cambio na monotonía das vacacións típicas de verán e coñece unha forma distinta de moverte.

Para tódolos públicos: Fins de semana alternativas no mes de agosto. Rutas pola montaña, actividades de orientación, ioga, musicoterapia, obradoiro de rastros de fauna, escoitas de animais nocturnos…

Ler máis

Para nenos/as e mozos/as de 8 a 18 anos: Campamentos ambientais e de aventura nos meses de xuño, xullo e agosto. Excursións, actividades acuáticas, obradoiros ambientais, actividades de animación e lecer, dinámicas de grupo, astronomía, danzas do mundo, xogos tradicionais galegos, deportes alternativos…

Ler máis

As prazas son limitadas. Apúntate xa! 

Amigos da Terra comeza un novo Programa de Educación Ambiental dirixido a adultos/as no Centro de Educación Ambiental As Corcerizas: A Ciencia como ferramenta de Educación Ambiental. Claves para un Desenvolvemento Sustentable.

A Educación Ambiental, debido ao momento de crise ecolóxica global na que nos atopamos, é unha ferramenta imprescindible para acadar cambios progresivos nos hábitos e actitudes. Por eso Amigos da Terra a incorpora transversalmente en todas as accións da asociación e dirixida a todos os públicos. Non se trata de chegar somentes a un público cautivo, como son os nenos/as, senón que é importante incidir en adultos/as, administracións e outras entidades que xa hoxe en día teñen capacidade de decisión.

Tampouco debe tratarse de accións puntuais, se non de procesos, a través de proxectos a longo prazo, como o do Centro de Educación Ambiental As Corcerizas, que ademais de intentar cubrir todas estas carencias, mostra alternativas reais e viables.

Porén, esta semana da comezo en As Corcerizas un novo Programa de Educación Ambiental, dirixido a estudantes de ciencias, ciclos formativos e/ou educación:

A CIENCIA COMO FERRAMENTA DE EDUCACIÓN AMBIENTAL
CLAVES PARA UN DESENVOLVEMENTO SUSTENTABLE

Actividade gratuíta apoiada pola Consellería de Innovación e Industria, Dirección Xeral de Investigación, Desenvolvemento e Innovación.