sve_mapa
Amigos da Terra, acolle a tres novas persoas voluntarias europeas: Balint Mezo de Hungría, Aurel Rusnak de Eslovaquia e Sandra Almeida de Portugal, que acaban de iniciar o seu voluntariado e permanecerán en Ourense durante 1 ano.

Os voluntarios súmanse aos distintos proxectos de información e educación ambiental que se desenvolven en Amigos da Terra e no centro de “As Corcerizas”.

 

O proxecto foi recentemente aprobado pola Comisión Europea dentro do Programa Xuventude en Acción da Unión Europea e está enclavado dentro do Servizo Voluntario Europeo, que busca a mobilidade dos mozos e mozas europeos doutros países para que coñezan as diferentes realidades culturais e sociais doutros países participando en iniciativas que contribúan á mellora social e ambiental.

 

A asociación Amigos da Terra conta na actualidade con outra voluntaria europea Lucie Allain de Francia, que participa no mesmo proxecto dentro do programa xuventude da Unión Europea.

 

sve_balint_aur_sand_luc

 

Dende Amigos da Terra queremos animar a todos os mozos e mozas  que queiran participar no Programa Xuventude da Unión Europea que non desaproveiten a ocasión e que se pasen polo noso centro para facilitarlles mais información.