Un ano máis Amigos da Terra participamos no Compostela + Solidaria, un programa de sensibilización e divulgación da Coordinadora Galega de ONGD e o Concello de Santiago  que se englobará dentro das activiades da Escola de Activismo contra a Emerxencia Climática da convocatoria Iniciativa Xove.

Concretamente Amigos da Terra participa en:

  • Feira de alternativas contra a emerxencia climática

Con esta mostra xunto ca cooperativa de enerxía verde Nosa Enerxía, amosarán solucións sinxelas e prácticas para contribuír a frear a emerxencia climática con tres espazos situados na praza Roxa: Sermos sostibles, Mobilidade e Laboratorio de enerxía 100% renovable. Será o 18 de setembro de 18:30 a 20.30 horas e para todos os públicos.

Máis información aquí>>

  • Exposición fotográfica ‘Tecedoras do cambio’

Amigos da Terra achega a historia da nicaragüense Yolidia Hernández, unha das vinte historias narradas ao longo de vinte días en vinte comercios da cidade, concretamente a nosa fotografía atoparase na librería Couceiro.

‘Tecedoras do cambio’ é unha exposición fotográfica que narra e retrata as historias de vida de mulleres valentes e loitadoras. Todas, referentes imprescindibles que lideran procesos de desenvolvemento das súas comunidades xunto a organizacións dos seus países e man a man con ONGD galegas.

Neste enlace>>> podedes consultar o programa completo.

Animádevos a participar! cumprirase coas medidas sanitarias e ofreceranse espazos seguros.