Por segundo ano consecutivo levamos a cabo este programa de voluntariado ambiental no que participarán a Universidade de Vigo (UVigo) e Santiago de Compostela (USC). Consistirá na creación dunha comunidade universitaria consciente da problemática da xeración excesiva de residuos, especialmente os plásticos, e que durará ata que finalice o actual curso 21/22.

 Actividades do programa:

  • Creación dun grupo intercampus de persoas voluntarias interesadas na temática residuo cero.
  • Formación sobre residuo cero e outras temáticas relacionadas como a economía circular.
  • Realización de encontros virtuais con persoas que xa iniciaron este camiño para que nos compartan a súa experiencia zero waste.
  • Talleres presenciais sobre diferentes temáticas residuo cero (hixiene íntima, xestión da materia orgánica, visibilización de boas prácticas ou cafés repair)
  • Difusión do proxecto por redes sociais ca colaboración das persoas voluntarias

Queres unirte? Enche este formulario>> [1] e xa nos poñeremos en contacto contigo ou contáctanos a travé do correo voluntariado.galicia@amigosdaterra.net ou do teléfono 611 063 186 (chamadas ou whatsApp)

[1] https://forms.gle/cz2bW8Rxt5nwDyHu5

 

Proxecto con cargo á asignación tributaria do 0,7% do IRPF da Consellería de Política Social de Xunta de Galicia