Con máis de 25 anos de militancia en distintos movementos ecoloxistas, Fernando Ramos, experto en comunicación ambiental e membro desta asociación, participa en calidade de experto de Amigos da Terra no “Foro Nacional de Educación Ambiental de Nicaragua”, que se celebra hoxe e mañá na cidade de Granada. Un foro, onde compartirá palestra na conferencia inaugural coa Ministra de Medio Ambiente e Recursos Naturales de Nicaragua (MARENA), Juanita Argueñal.

Ler máis…

Tras dous días de espera no departamento fronteirizo de Chinandega (Nicaragua), os cinco reporteiros de Agareso conseguiron entrar o xoves en Honduras para rematar o traballo planificado en colaboración con Amigos da Terra. A noticia da retirada do toque de queda e a apertura de fronteiras, supuxo unha grande alegría para a expedición, que dependía totalmente da evolución dos acontecementos no país centroamericano.

Ler máis…

Os cinco xornalistas de Agareso (Asociación Galega de Reporteiros Solidarios) que iniciaron a pasada semana unha expedición para visitar os proxectos que Amigos da Terra está a realizar no Golfo de Fonseca, atópanse nestes momentos na localidade de Tonalá, en Nicaragua, á espera de acontecementos sobre a situación en Honduras, xa que as fronteiras con este país están pechadas.

A noticia da chegada do anterior presidente de Honduras, Manuel Zelaya a Tegucigalpa o pasado luns, caía como unha lousa para os reporteiros, xa que o martes deberían ter viaxado ata Honduras para continuar realizando o seu labor con novas comunidades que reciben axudas dos fondos galegos.

Ler máis…

Amigos da Terra e a Asociación Galega de Reporteiros Solidarios (AGARESO) a través dun convenio de colaboración comezan un proxecto de sensibilización que permitirá dar a coñecer o traballo que se leva a cabo no Golfo de Fonseca en temas de pesca artesanal sostible. O primeiro paso dará hoxe mércores ca viaxe de cinco reporteiros rumbo ao Golfo de Fonseca para visitar os proxectos que Amigos da Terra está a desenvolver en Nicaragua, O Salvador e Honduras, tres países que comparten o Golfo de Fonseca, un ecosistema moi importante e moi rico en diversidade biolóxica mariña – costeira.

O obxectivo desta colaboración é sensibilizar á poboación galega e difundir o traballo que Amigos da Terra está a realizar en cooperación ao desenvolvemento con enfoque ambiental no Golfo de Fonseca, sempre coa premisa de que a xestión integrada do medio ambiente é a clave para poder erradicar a pobreza no mundo.

Ler máis…

Amigos da Terra como entidade que caracteriza a súa cooperación no enfoque ambiental, queremos contruibuír no fortalecemento do sector galego de cooperación ca organización do Curso Práctico de Cooperación ao Desenvolvemento e Medio Ambiente que ten como obxectivos:

• Formar as ONGD en Cooperación ambiental

• Facilitar o intercambio de coñecemento e experiencias entre ONGD e asociación ecoloxistas en temas de cooperación e medio ambiente

• Contribuír para que o medio ambiente sexa aplicado de xeito transversal na cooperación, tal e como o recolle o Plan Director de Cooperación Galega 2006 – 2009

Podes inscribirte aquí