O Parlamento de Galicia aprobou nos pasados días o primeiro Plan Director da Cooperación Galega 2006-2009, documento que marca as liñas estratéxicas da acción da solidariedade galega a favor do desenvolvemento. É o marco de referencia do traballo que se realice dende os diferentes ámbitos de intervención: Administración autonómica ou local, ONGDs, empresas privadas…

Sete obxectivos concretan con claridade as liñas estratéxicas de actuación, todos eles amplamente desenvolvidos no propio Plan:

1. Realizar unha política activa e integral de fomento do coñecemento das desigualdades no mundo, de sensibilización da poboación galega para a súa superación e de educación para o desenvolvemento
2. Fortalecer todos os actores do sistema galego de cooperación. Procura da integración e o traballo conxunto.
3. Mellorar a calidade técnica e operativa do sector. Orientación cara ao cumprimento de obxectivos.
4. Ampliar e ordenar os medios da cooperación galega.
5. Implicar e procurar sinerxías cos sectores galegos con experiencia de valor para a cooperación.
6. Fomentar o comercio xusto e o consumo responsable.
7. Elaborar estratexias para as prioridades da cooperación galega.

Dende Amigos da Terra creemos que o Plan de Cooperación é un bo instrumento para marcar as pautas a seguir neste eido.

Ampliar información